Monday, November 13, 2017
Kapag Nakita Mo na Sya by Maimai Cantillano
Kapag nakita mo na siya
Wag kang magtaka kung di ka kaagad
niya makilala.
Kung ano ung naramdaman mong kilig,
Baka yun naman ang naramdaman niyang inis.
Kung pano mo siya titigan,
Baka ganon ka lang din niya lagpasan, baliwalain, at di pansinin.
Kung gaano kabilis ang tibok ng puso mo nung makita mo siya,
Baka ganon din kabilis ang pag alis niya.
At sigurado ako itataboy ka niya palayo
Kapag nangyari yun, wag mo sanang isiping wala ng pag asa
Siguro, sanay na lang din talaga siyang mag isa
At sa hinaba haba ng panahon ng pag iisa niya
Iniisip niyang hindi na niya kailangan ng iba
Nang isang katulad mo, na maaaring magdala sa kanya sa ibang mundo
Marahil ganyan ang turo sa kanya ng buhay at pag ibig
Nang damhin ang lahat ng sakit
Ang tanggapin ang anumang ibato ng buhay
Ang palayain ang lahat ng emosyon hanggang sa wala na siyang muling maramdaman pa
Kayat kapag nakita mo na siya
Hindi na siya naniniwala sa paghiling sa mga bulalakaw
Hindi na siya namamangha sa mahika ng buwan at mga bituin
Basta kung ano mang pwersa ng uniberso na maaaring magtulak sakanya patungo sayo
Di na siya naniniwala
Sa anumang salita na nilikha ng pag ibig
Hindi na siya naniniwala sa pag ibig
Kapag nakita mo na siya
Baka ang tanging papel na lamang ng puso niya ay ang panatilihin siyang buhay
Baka tumitibok na lamang ito upang padaluyon ang dugo sa katawan niya
Dahil kapag nakita mo na siya
Hindi na niya alam ang pakiramdam ng magmahal at ng mahalin
Ng arugain at yakapin
Ngunit wag kang mag alala
Dahil mukha lang naman ng pag ibig ang nakalimutan niya
At ipaalala mo ito sa kanya
Wag kang magsasawang ipaalala sa kanya kung gaano siya kaganda
Wag kang titigil sabihin sa kanyang mahal mo siya
Ngayon sa bawat pag banggit mo sa salitang mahal kita
Ay pait at sakit ang naalala niya
Wag kang titigil na sabihin ito sa kanya
Hanggang sa maalala niya na sa likod ng bawat pait, ay may tamis
Sa likod ng bawat sakit ay may ligayang dulot ng mga salitang mahal kita
At kung saktan ka man ng mga salita niya
Gantihan mo ito ng yakap
Kung magpumiglas siya hatakin mo siya pabalik at yakapin ulit
Kung paulit ulit siyang umalis
Paulit ulit mo rin siyang habulin
Kung paulit ulit siyang bumitaw
Paulit ulit mo rin siyang hawakan
Pakiusap
Wag na wag mo siyang bibitawan
Wag na wag mo siyang pakakawalan
Ipaalala mo sakanya
Na minsan rin siyang naniwala sa paghiling sa mga bulalakaw
Na minsan rin siyang namangha sa mahika ng buwan at mga bituin
Na minsan rin siyang naniwala sa mga salitang nilikha ng pag ibig
Na minsan rin siyang naniwala sa pag ibig
Ipakita mo sakanya ang bagong mukha ng pag ibig
Pakiusap
Wag na wag mo siyang susukuan
Hanggang sa maisip niya
Na ang pag iisa ay mayroon ding hangganan
Subscribe to:
Post Comments (Atom)
No comments:
Post a Comment
Hi! Let's all try to add more positivity in this world and adhere to the saying, "if you don't have anything nice to say, keep silent."
Showering you with unicorn poop so you'd always stay magical! Heart heart!